RTI Act, 2005 hmanga zawhna chhan a nih danin, Er. Vanlalruata Sailo ruat dan leh ban chhan chu hetiang hi a ni.

Chief Minister duh angin, Commissioner & Secretary to CM chuan Planning Department ah rawtna siamin MSPMC Secretary atan Er. Vanlalruata Sailo ruat tura hriattirna dawn anih hnuah ruat fel nghal a ni a.

"Chief Minister duh anga ruat anih tur thu ZPM Val Upa Council te'n an lo hriatin, a integrity hi doubtful a an hriat thu leh ruat loh that zawk an rinthu Chief Minister hnenah an thlen", tih a ni.

Chief Minister chuan siamthat a in beisei thu leh thawhpui atana a it thu VUC te a hrilh a, VUC pawhin an pawmpui avangin Secretary hna chu chelhtir a ni ta a ni, tiin.

Planning & Programme Implementation Department chuan, "He hna a chelh chhung hian MSPMC hian Project hnathawh fel tawklo ni a hriat te eng emaw zat endik hman a ni a. A hna a thawhna kawngah sawisel tur hriat a ni lo," tiin.

Amaherawhchu, social media-ah sorkar demna lam thu a post tak fo avangin, ti tawhlo turin vawi eng emaw zat tawngkama ngen a ni thin, an ti a. Nimahsela, Sorkar sawiselna lam thu a post zui zel avangin VUC chuan a chungthu an rel ta a.

"Mizoram Sorkar hnuaia Secretary rank leh status enjoy chunga amah ruaitu sorkar beih reng chu a tihloh tur nia hriain, VUC chuan a hna atanga chawlhtir ni se tiin thutlukna an siam ta a. Chu chu Chairman leh Vice Chairman hnenah tawngkain an thlen ta a ni".

Ama thua banna thehlut mai tura lo hrilh turin Chairman chuan Vice Chairman a hrilh a. Vice Chairman chuan Er. Vanlalruata Sailo hi tawngkain a hrilh chhawng a. Mahni thua banna thehluh a tumloh thute a sawi tak avangin a hna atangin ban a ni ta a ni, tiin RTI zawhna chhanna ah hmuh a ni.